| Saturday 25th January 2020

उत्तम सञ्जेलकी श्रीमतीसहित तीनजना जेल चलान

बौद्धस्थित समता अस्पतालको एक कोठामा मृत भेटिएकी क्लिनरको रुपमा कार्यरत २७ वर्षीया बिमला तामाङको मत्युपछि पक्राउ परेका अस्पताल सञ्चालक उत्तम सञ्जेलकी श्रीमती कला सञ्जेलसहित तीनजना जेल चलान भएका छन् ।


ADVERTISEMENT

कलासहित अस्पतालकै कर्मचारी तीर्थ कुमारी श्रेष्ठ र संगिता केसी जेल चलान भएका हुन् । उनीहरुविरुद्ध जिल्ला अदालत काठमाडौंले जनही ३ लाख रुपैयाँ धरौटीमा छाड्ने फैसला सुनाएको थियो ।

तर, अदालतको आदेशअनुसार तीनै जनाले ३ लाख रुपैयाँ धरौटी बुझाउन नसकेपछि उनीहरु उनीहरु बुधबार जेल चलान भएको महानगरीय प्रहरी परिसर काठमाडौंका डिएसपी होबिन्द्र बोगटीले जानकारी दिए ।

असार ३ गते अस्पतालमै तामाङको झुन्डिएको अवस्थामा शव भेटिएको थियो । उनले लेखेको सुसाइड नोटमा सञ्जेलकी श्रीमतीसहित दुई जनाको नाम लेखिएको भेटिएपछि मृतक तामाङका आफन्तले उनीहरु विरुद्ध कर्तव्य ज्यान मुद्दामा किटानी जाहेरी दिएका थिए ।

प्रतिक्रिया

सम्बन्धित समाचार