बिहिबार, अशोज ३०, २०७६ | Thursday 17th October 2019

ब्राजिललाई कोपा अमेरिकाको उपाधि

आयोजक ब्राजिलले ४६ औं संस्करणको कोपा अमेरिकाको उपाधि जितेको छ ।


ADVERTISEMENT

नेपाली समय अनुसार सोमबार सम्पन्न खेलमा ब्राजिलले पेरूलाई ३-१ गोलले पराजित गर्दै उपाधिको रक्षा गरेको हो ।

फाइनलमा ब्राजिलले खेलको पहिलो हाफको १५ औं मिनेटमा एभरटनले गोल गर्दै ब्राजिललाई अग्रता दिलाएका थिए।

त्यसपछि खेलको ४४ औं मिनेटमा पेरूले बराबरी गोल फर्काएको थियो। सो बराबरी गोल पाओलो गुरेरोले पेनाल्टीमार्फत गरेका हुन्।

तर ब्राजिलले यो बराबरीलाई धेरै बेर टिक्न दिएन। पहिलो हाफको अतिरिक्त समयको तेश्रो मिनेटमा गोल गर्दै बाजिलले पहिलो हाफ २-१ ले आफ्नो पक्षमा पार्‍यो।
त्यसपछि ब्राजिलले टोलीका लागि तेश्रो गोल खेलको अन्तिम समयमा गर्‍यो। खेलको ९० औं मिनेटमा सो गोल रोचारलीसनले पेनाल्टीमार्फत गरे।

तेश्रो गोल गर्नुअघि ब्राजिल १० खेलाडीमा सिमित भएको थियो। खेलको ७० औं मिनेटमा दोहोरो पहेलों कार्ड खाँदै ग्याब्रियल जिससले मैदान छाड्नुपरेको थियो।

ब्राजिलले कोपा अमेरिकाको उपाधि जितेको यो ९ औं पटक हो।

अरुणिमा कलेज

प्रतिक्रिया

सम्बन्धित समाचार