सोमवार, भदौ ३०, २०७६ | Monday 16th September 2019

रवि लामिछाने सहित तीन जनालाई अदालत लगिँदै

शालिकराम पडासैनीको भिडियो सुसाइट नोटका आधारमा हिजो पक्राउ परेका चर्चित संचारकर्मी रवि लामिछनन न्युज २४ टेलिभिजनका अर्का पत्रकार युवराज कँडेल र ओखलढुंगाकी अस्मिता कार्कीलाई लाई चितवन प्रहरीले मध्यरातमा चितवन पुर्याएको छ । उनीहरु तीनैजनालाई बिहीवार काठमाडौंबाट पक्राउ गरी चितवन ल्याइएको हो । उनीहरुको भरतपुर सरकारी अस्पतालमा स्वास्थ्य परिक्षण गरी जिल्ला प्रहरी कार्यालयको हिरासतमा राखिएको छ । उनीहरुलाई काठमाण्डौबाट पक्राउ गरी विहीबार मध्यराति चितवन ल्याइपुर्याएको हो ।


ADVERTISEMENT

प्रहरीको टोलीले राति साढे १२ बजे भरतपुर अस्पतालमा ल्याई स्वास्थ्य परीक्षणपछि साढे १ बजे जिल्ला प्रहरीमा पु¥याएको थियो । शुक्रवार जिल्ला अदालतमा लगिने चितवनका प्रहरी प्रमुख प्रहरी उपरीक्षक दानबहादुर मल्लले बताए । पत्रकार पुडासैनी गत साउन २० गते भरतपुर महानगरपालिका–१ नारायणगढस्थित पोखरा बसपार्कस्थित कंगारु होटलको कोठाभित्र झुण्डिएको अवस्थामा फेला परेका थिए। उनले आत्महत्या गर्नुपूर्व आफैले आफ्नै मोवाईलमा रेकर्ड गराएको भिडियोका आधारमा अनुसन्धानका लागि रविसहित तीनजनालाई पक्राउ गरिएको हो। उक्त भिडियोमा रवि, युवराज र अस्मिताले अनावश्यक यातना दिने र फसाउन खोजेकाले आफूले संसार त्याग्ने निर्णय लिएको बताएका थिए।

अरुणिमा कलेज

प्रतिक्रिया

सम्बन्धित समाचार