आइतवार, भदौ ८, २०७६ | Sunday 25th August 2019

सांसद यादवले दिए राजीनामा

संघीय संसदको प्रतिनिधिसभाका सांसद डा.सूर्य नारायण यादव (सुरज)ले राजीनामा दिएका छन् । सोमबार यादवले सभामुख कृष्णबहादुर महरालाई राजीनामापत्र बुझाएका हुन् ।


ADVERTISEMENT

आफ्नो स्वास्थ्यमा समस्या बढेकाले आराम गर्न राजीनामा दिएको सांसद यादवले बताएका छन् । उनले आफुलाई डाइबिटिज बढेको र पछिल्लो समय स्ट्रेस पनि बढेकाले राजिनामा दिएको बताएका छन्।

सभामुखको सचिवालयले भने उनले दिएको राजीनामाबारे निर्णय हुन बाँकी रहेको जनाएको छ। उनी डा. बाबुराम भट्टराई नेतृत्वको समाजवादी पार्टीका तर्फबाट सप्तरी १ बाट २१ हजार ७१२ मतका साथ विजयी भएका हुन् । उनी सप्तरीका चर्चित डाक्टर समेत हुन् ।

उनको राजीनामा स्वीकृत भएको खण्डमा सप्तरी १ मा पनि उप निर्वाचन हुनेछ। सरकारले आगामी मङ्सिर १४ गते देशका विभिन्न ५१ स्थानमा उप निर्वाचन गर्दैछ ।

प्रतिक्रिया

सम्बन्धित समाचार