नेसनल युनाइटेडमा चुनाबी अभ्यासबाट छानिए ‘क्याप्टेनहरु’ (भिडियो)

१ जेठ, काठमाडौं ।

काठमाडौंको बृ्ढानीलकण्ठ-८, गणेशचोकमा रहेको नेशनल युनाइटेड स्कुलले चुनाबी अभ्यासबाट विद्यार्थीहरूको स्कुल क्याप्टेन, भाइस-क्याप्टेन र हाउस क्याप्टेन तथा हाउस भाइस-क्याप्टेनहरू छनोट गरेका छ ।
कक्षा २ देखि १० सम्मका विद्यार्थीहरूले चुनावमा आफूलाई उपयुक्त लागेका उम्मेदवारहरूलाई शुक्रबार भोट दिएका थिए ।

चुनाव अघि नै उम्मेदवारको नाम दर्ताको लागि निश्चित दर्ता शुल्कको मापदण्ड समेत निर्धारण गरी उम्मेदवारी माग गरिनुका साथै अन्तिम मतदाता नामावली प्रकाशन गरिएको थियो । उम्मेदवारहरुले कार्यपत्रसमेत निर्वाचन समितिमा बुझाएका थिए । विभिन्न १० पदका लागि ३४ जना उम्मेदवारहरूले उम्मेदवारी दिएका थिए । ३ कक्षाका छात्र सम्बन्ध पौडेलले लामबद्घ भएर भोट खसाल्दा निकै रमाइलो र नयाँ अनुभव गरेको कुरा बताए ।

मतदान प्रक्रिया चुस्त र छिटोछरितो बनाउनको लागि मतदान अधिकृत तोकिनुका साथै शिक्षक कर्मचारी तथा स्वयम्सेवकलाई परिचालन गरिएको थियो । त्यसैगरी मतदाताहरूलाई पङ्क्तिबद्ध बनाएर मत खसाल्ने वातावरण तय गरिएको थियो । उक्त चुनावमा आफूलाई उचित लागेका उम्मेदवारलाई गोप्य ठाउ“मा गई स्वस्तिक चिह्नले छाप लगाएर विद्यार्थीहरूले मतपेटिकामा क्रमशः मतपत्र खसालेका थिए । मतदाता नामावलीमा नाम हेर्दै निर्वाचनमा खटिएका शिक्षकहरूले भोट खसाल्नुअघि मतदाताको बूढी औंलाको नङमा संकेतार्थ मसी दलेका थिए । ५८६ जना मतदाता रहेको उक्त चुनावमा ५५४ वटा मत खसेका थिए । तीमध्ये १४ वटा मत बदर भएका थिए । कुल खसेको मतलाई ५०५ मानेर ५०५ मत विद्यालय प्रशासनको तर्फबाट उम्मेदवारको सक्रियता र कार्यपत्रको मुल्याङ्कन गरी प्रदान गरिएको निर्वाचनमा घोषित मत परिणाम अनुसार कक्षा १० की छात्रा गरिमा केसीले समग्रमा ५२६ मत ल्याई स्कुल क्याप्टेनमा विजयी हुन सफल भइन् भने ४४१ मत ल्याई कक्षा १० कै छात्र मनिल धिङ्गाल भाइस क्याप्टेनमा विजयी भए । यसैगरी ब्लु हाउसको क्याप्टेनमा सागरिका पौडेल र भाइस क्याप्टेनमा अनिमेष थापा चुनिए । ग्रिन हाउसको क्याप्टेनमा आशिष पौडेल र भाइस क्याप्टेनमा सगुन थापा मगर चुनिए । रेड हाउसको क्याप्टेनमा निसिता खड्का र भाइस क्याप्टेनमा सौगात लामा चयन भए । यल्लो हाउसको क्याप्टेनमा दिनम खड्का र भाइस क्याप्टेनमा सलिना कार्की चुनिए ।

निर्वाचन सम्पन्न भएपश्चात् निर्वाचन समिति र विभिन्न पदका उम्मेदवारका प्रतितिधिहरूको रोहबरमा मतगणना कार्य गरिएको थियो ।

मतगणनाको नतिजा सार्वजनिक गरिसकेपछि विजयी हुन सफल विभिन्न पदका विजयी उम्मेदवारहरूलाई निर्वाचन आयुक्त एवं विद्यालयका संस्थापक डाईरेक्टर जेबी हमालले सफल कार्यकालको शुभकामना दिनुहुँदै विशेष कार्यक्रमका बिच विजयी उम्मेदवारहरुलाई प्रमाण पत्र वितरण गरिने बताउनु भयो ।

सोही कार्यक्रममा केन्द्रित हुँदै केटिएम खबरका लागि श्याम कार्कीले नेशनल युनाइटेड स्कूलका इन्चार्ज सरोज शर्मासंग स्थलगत सम्वाद गरेका छन् । प्रस्तुत छ सोही कुराकानीको सम्पादित भिडियो अंशः

प्रतिक्रिया

सम्बन्धित समाचार